Осы жазда орыстың ұлттық бас киімі кокошникпен жүру сәнге айналды.
Бұған футболдан әлемдік чемпионаттың Ресейде өтуі мен осы құраманың ойын кезінде белсенділік танытуы себеп болды. Әсіресе Испания мен Ресейдің 1/ 8 матчы кезінде кокошник киіп алған 3 көрерменнің сүйсініп хотдог жеп отырған сәті көпшіліктің есінде қалды. Аталмыш ойыннан кейін бұл жанкүйерлер кішігірім «жұлдызға» айналды. Ал шетелдік қонақтар мен жанкүйерлер арасында кокошникті кәдесый ретінде отанына алып кетпекші жандар көп. Бұл бас киімнің түрі мен бағасына қарай бірнеше топқа бөлінеді. Қағаздан жасалған түрін тегін  алуға болады. Ал қымбат тастармен безендірілген кокошниктің құны 20 мың рубльге дейін жетеді.
Инна Коленская, Ресей құрамасының жанкүйері:
- Біз өзімізді жұлдызбыз деп есептемейміз. Ал біздің құраманың футболшылары мен ұйымдастырушылары нағыз жұлдыздар. Керемет ойын көрсетіп, жанкүйерлердің көңілінен шықты.
Бразилиядан келген жанкүйер:
- Кокошник өте әдемі. Қолдан жасалып, безендірілгені қатты ұнайды. Бұл орыс халқының мәдениетімен таныстыратын және жақсы естелік болып қалатын дүние.