Спортшылармен кездесу өтті
Қармақшы ауданы Оқушылар үйінде «Шахмат» үйірмесінің ұйымдастыруымен «Спорт жұлдыздары – жеңіс жолындағы тұлғалар» тақырыбында аудан спортшыларымен кездесу өтті.
Іс-шараның мақсаты – жастарға мотивация беру, спортқа қызығушылықты арттыру және салауатты өмір салтын насихаттау болды. Кездесуде спортшылар өздерінің жетістікке жету жолдары, қиындықтары мен жеңістері туралы айтып, бейнебаян көрсетілді. Қатысушылар сұрақ қойып, мазмұнды жауаптар алды. Соңында жастар спортпен белсенді айналысуға шақырылды.
