«ҒАРЫШТЫ БАҒЫНДЫРҒАН БАТЫРЛАР» ФОТОКӨРМЕСІ ӨТТІ

Бүгін, 12 сәуір – Ғарышкерлер күні мерекесіне орай, «Бәйтерек» бастауыш партия ұйымының ұйымдастыруымен «Ғарышты бағындырған батырлар» тақырыбында фотокөрме өткізілді.

Шараның мақсаты – архив қорында сақтаулы тұрған ғарышкерлердің өміріндегі тарихи сәттерді көпшілікке таныстыру, ғарышты игеру жолындағы батыр тұлғалардың ерлігін насихаттау, жас ұрпақтың ғылым мен ғарыш саласына қызығушылығын арттыру, сондай-ақ отансүйгіштікке тәрбиелеу.

Іс-шараға №272 және №275 орта мектептердің ұстаздары мен оқушылары қатысты. «Бәйтерек» БПҰ төрағасы Ф. Сүлейева архив қорында сақтаулы ғарышкерлердің өміріндегі тарихи сәттер бейнеленген фотоқұжаттармен таныстырды.