ИІРКӨЛ АУЫЛЫНДАҒЫ ГАЗ ЖЕЛІЛЕРІН ТАРТУ ҚҰРЫЛЫСЫ НЫСАНЫНДА ПАРТИЯЛЫҚ БАҚЫЛАУ БЕКЕТІ АШЫЛДЫ
Қызылорда облысы, Қармақшы ауданына қарасты Иіркөл ауылындағы газ желілерін тарту жұмыстары құрылысының жүргізілуіне орай, "AMANAT" партиясы Қармақшы аудандық филиалы жанындағы Партиялық Бақылау комиссиясы мүшелері нысанның құрылысына мониторинг жүргізіп, құрылыс жұмыстарымен танысты. Сонымен қатар, аталмыш нысанда партиялық бақылау бекеті ашылып, өз жұмысын бастады.
Аталған бекет нысан салынып жатқан аумақтағы құрылыс барысын ұдайы бақылауға мүмкіндік береді. Бұл – партияның ашықтықты арттыру және сапаны қамтамасыз ету мақсатында енгізген нақты бақылау тетігі.
Иіркөл ауылына газ құбыры мен кварталішілік газ тарату желілерін салу жобасы құрылысының басталу уақыты 16.03.2026 жыл. Мердігер мекеме "Aral Qurylys" ЖШС. Авторлық қадағалаушы "Grand Structure Engineering" ЖШС. Техникалық қадағалаушы "Жаңа ғасыр - К" ЖШС. Құрылыс жұмыстары ағымдағы жылдың тамыз айына дейін аяқталады деп күтілуде.
Елдімекендегі бұл бастама – халық игілігі үшін жүзеге асырылып жатқан жобаның тиімді әрі ашық орындалуына бағытталған маңызды қадам.
