«ӘДІСКЕР LIFE– 2026» БАЙҚАУЫНЫҢ ҚОРЫТЫНДЫСЫ БОЙЫНША ӘРІПТЕСІМІЗ ЖЕҢІМПАЗ АТАНДЫ

«Көкжиек-Горизонт» баспасы және ҚР Оқу-ағарту министрлігінің Республикалық ғылыми-педагогикалық кітапханасы 3 сәуір күні Алматы қаласында Қазақстан Республикасы білім беру ұйымдарының әдіскерлері арасында өткен І-ші Республикалық «Әдіскер Life» байқауын өткізді.

Республикалық байқау ережесі бойынша ұзақтығы 1 минутқа дейінгі қысқа бейнеролик ұсынып, онда өз қызметі, жұмыс әдістері, мақсаты және атқарылған жұмыстың нәтижесі, білім берудегі инновациялық тәсілдері және заманауи әдістермен бөлісіп, бейнероликке баяндау қажет.

Қазақстанның әр өңірінен білім беру саласының әдіскерлері мен мамандарының басын қосқан «Әдіскер Life – 2026» кәсіби байқауы өз мәресіне жетті.

Республика бойынша жеңімпаз болған 4 әдіскердің ішінде Қармақшы ауданы бойынша білім бөлімінің әдістемелік кабинетінің әдіскері Қосанова Айгүл Әлібекқызы «Креативтілік үшін» номинациясымен арнайы дипломмен және сыйлықтармен марапатталды.

Жеңімпаз атанған әріптесімізді шын жүректен құттықтаймыз!