АУДАНДЫҚ СЕМИНАР ӨТКІЗІЛДІ

Дүр Оңғар ауылы №107 орта мектебінде «Білім беру мазмұнын жаңарту үрдісінде оқушылардың білімін бағалаудың тиімділігі» тақырыбында аудандық семинар өтті.

Семинар барысында жаңартылған білім беру бағдарламасы аясында бағалаудың тиімді жолдары кеңінен талқыланып, ұстаздар өз іс-тәжірибелерімен бөлісті. Критериалды бағалау жүйесінің маңыздылығы айқындалып, оқушы жетістігін әділ бағалаудың нақты жолдары көрсетілді.

Іс-шара әріптестер арасында тәжірибе алмасуға мүмкіндік беріп, кәсіби шеберлікті шыңдауға үлкен үлес қосты. Әрбір ұсынылған жұмыс пен тың идеялар білім сапасын арттыруға бағытталғаны байқалды.