АУДАН ДАМУЫНА ҚОСҚАН ҮЛЕСІ ҮШІН ЛАЙЫҚТЫ МАРАПАТ
Бүгін Қызылорда қаласындағы «Достық үйінде» облыс әкімі Нұрлыбек Нәлібаев қатысуымен республикалық референдум қорытындысы бойынша салтанатты марапаттау шарасы өтті.
Мемлекет басшысы Қасым-Жомарт Тоқаев 15 наурыздағы референдум еліміздің демократиялық дамуындағы маңызды белес екенін атап өткен болатын.
Осы маңызды саяси науқанды ұйымдастыруға қосқан үлестері үшін аудан әкімінің орынбасары Диас Молдабаев, аудан әкімі аппараттының басшысы Ермек Сәтбаев, сондай-ақ «Жаңажол» ЖШС - нің директоры Орынбасар Төлепов, аудандық ардагерлер кеңесі төрағасының орынбасары Кенжебек Таңбаев, Қармақшы аудандық аумақтық сайлау комиссиясының мүшесі Ғалымжан Ұзақбаев, «Аманат» партиясының Байқоңыр қалалық филиалы партиялық бақылау комиссиясының төрағасы Сейл Жумадьяров және жеке кәсіпкер Рабиға Балғабаева Қазақстан Республикасы Президентінің Алғыс хатымен марапатталды.
Көрсетілген құрмет — жүйелі және нәтижелі қызмет еткен азаматтардың еңбегінің нақты бағасы.
Қармақшы ауданы әкімінің баспасөз қызметі
