ТАЗАРУ КҮНІ: ЭКОЛОГИЯ ЖӘНЕ ҰЛТТЫҚ ТӘРБИЕ
Ұлыстың ұлы күні – Наурыз мерекесі аясында «Тазару күніне орай» Қармақшы ауданында білім қызметкерлерінің қатысуымен экологиялық мәдени іс-шара ұйымдастырылды.
Игі шара табиғатты қорғау, қоршаған ортаны таза ұстау мәдениетін қалыптастыру мен ұлттық салт-ғұрыптар арқылы ұрпақтар санасын жаңғырту бағытында өткізілді.
Аталмыш шара барысында ата-баба салт-дәстүрлері насихатталып, қазақ халқының табиғатқа деген жанашырлық көзқарасы, экологиялық мәдениеті дәріптелді.
Сондай-ақ, тазалық жұмыстары негізінде ағаш көшеттері отырғызылып, гүл егу, аулаларды ретке келтіру жұмыстары жүргізілді.
Шараның басты мақсаты – қоршаған ортаны қорғау, тазалықты сақтау, ұлттық құндылықтарды дәріптеу арқылы жастарды еңбекқорлыққа, табиғатты аялауға тәрбиелеу.
Осындай игі шаралар өскелең ұрпақтың табиғатқа деген сүйіспеншілігін арттырып, экологиялық мәдениетті қалыптастыруға өз үлесін қосады.
