АҚАЙ АУЫЛЫНДА НАУРЫЗ МЕРЕКЕСІ АТАЛЫП ӨТІЛДІ
Ақай ауылының тұрғындары тіршілік атаулыға жан бітіп, Жер-Ана жаңаратын, күн мен түн теңелетін Ұлыстың ұлы күні – Наурыз мерекесін ерекше сән-салтанатпен атап өтті.
Ұлттық нақышта безендірілген киіз үйлер тігіліп, қазақтың дәстүрлі спорт түрлерінен сайыстар ұйымдастырылды. Жиналған көпшілік мерекенің басты дәмі саналатын бауырсақ пен наурыз көжеден ауыз тиіп, ұлттық тағамдардан дәм татты.
Ұлыстың ұлы күніне арналған шара өнерпаздардың концерттік бағдарламасына ұласып, жиылған көпшілік мерекелік көңіл-күйге бөленді.
