Құрметті Қармақшы ауданының тұрғындары!
Сіздерді Ұлыстың ұлы күні – әз Наурыз мейрамы мерекесімен шын жүректен құттықтай отырып, баршаңызды Жосалы кентінде өтетін мерекелік іс-шараларға шақырамыз!
Наурыз – бұл жаңару мен жаңғырудың, береке мен бірліктің, татулық пен ізгіліктің мерекесі. Көктемнің шуағымен бірге келетін бұл ерекше күнде ұлттық дәстүріміз дәріптеліп, салт-санамыз жаңғырады.
Мерекелік бағдарлама аясында:
– ұлттық ойындар мен спорттық жарыстар;
– ән мен жырдан шашу шашатын концерттік бағдарламалар;
– алтыбақан, қолөнер көрмелері және мерекелік сауда-саттық ұйымдастырылады.
Келіңіздер, ағайын!
Жақсылықтың жаршысы болған әз Наурызды бірге қарсы алып, қуаныш пен шаттыққа толы сәттерді бірге бөлісейік!
Өтетін орны: Жосалы кентінің орталық алаңы
Уақыты: 22 наурыз 2026 жыл.
Басталуы сағат 10.00
