Референдумға отбасымен келді
Қармақшы ауданының орталығы - Жосалы кентіндегі 98 сайлау участогіне білім саласының ардагері Роза Қыпшақбаева отбасы мүшелерімен бірге келіп, өз дауыстарын берді.
Ардагер-ұстаз референдумға қатысып, таңдау жасау - еліміздің келешегіне жауапкершілікпен қарайтын әрбір адамның қасиетті міндеті деп санайды. -Референдумға отбасымызбен келіп, дауыс беріп өз таңдауымызды жасадық. Мемлекеттің басты құндылығы - отбасы десек, еліміз үшін маңызды шешім болып табылатын референдумға отбасымызбен үлес қосуды міндетіміз деп есептейміз, - дейді ұлағатты жан.
