ҚАРМАҚШЫ АУДАНЫНДА РЕФЕРЕНДУМҒА ДАУЫС БЕРУ БАСТАЛДЫ
Бүгін таңғы сағат 07:00-ден бастап Қармақшы ауданындағы барлық референдум учаскелері ашылып, өз жұмысын бастады. Аудан бойынша барлығы 35 референдум учаскесі жұмыс істеуде. Биылғы науқанда 49 048 сайлаушының дауыс беруі күтілуде.
Таңертеңнен бастап аудан тұрғындары референдум учаскелеріне келіп, белсенді түрде дауыс беріп жатыр. Алғашқылардың қатарында өз таңдауын жасаған азаматтарға арнайы сыйлықтар табысталды.
«Республикалық референдум туралы» Конституциялық заңға сәйкес, дауыс беру барысын қоғамдық бірлестіктердің өкілдері, сондай-ақ байқаушылар қадағалауда. Қармақшы ауданында 8 қоғамдық бірлестік ресми түрде аккредитациядан өткен.
Аудан тұрғындары өздеріне тиесілі учаскелерге келіп, кешкі сағат 20:00-ге дейін дауыс бере алады.
