ҚАРМАҚШЫДА РЕФЕРЕНДУМҒА ДАУЫС БЕРУ БАСТАЛДЫ
Бүгін таңғы сағат 7.00-ден бастап Қармақшы ауданындағы барлық референдум учаскелері ашылып, өз жұмысын бастады. Қазіргі уақытта аудан бойынша 35 референдум учаскесі жұмыс істеп жатыр. Бұл науқанда 50 450 сайлаушы өз таңдауын жасайды деп күтілуде.
Аудан тұрғындары таңертеңнен бастап белсенді түрде дауыс беруге қатысып, өз азаматтық позицияларын білдіруде. Алғашқы болып дауыс берген азаматтарға және ең жас дауыс берушіге арнайы сыйлықтар табысталды.
«Республикалық референдум туралы» Конституциялық заңның 4-бабының 4-тармағына сәйкес, референдумға қоғамдық бірлестіктердің өкілдері, шет мемлекеттерден және халықаралық ұйымдардан келген байқаушылар қатысуда. Ауданда 3 қоғамдық бірлестік ресми түрде аккредитациядан өткен.
Тұрғындар өз учаскелерінде кешкі сағат 20:00-ге дейін келіп, дауыс бере алады.
