МЕРЕКЕ ҚАРСАҢЫНДА БІЛІМ САЛАСЫНЫҢ АРДАГЕРЛЕРІНЕ ҚҰРМЕТ КӨРСЕТІЛДІ

Білім бөлімінің басшысы Жәнібеков Берік Съездұлы 8 наурыз – Халықаралық әйелдер күні қарсаңында бірқатар сала ардагерлерінің шаңырағында болып, мерекелік құттықтауын жеткізіп, сый-сияпат жасады.

Ардагерлер өз кезегінде көрсетілген құрметке ризашылықтарын білдіріп, ауданымыздың одан әрі өркендеуі мен өңір тұрғындарының әл-ауқатының артуына шын жүректен тілектестігін білдірді.

Киелі шаңырақтың бірлігін сақтап, үйдің берекесін келтіріп отырған үлкендеріміздің өмір жолы саналы ұрпақтың жадында таусылмас қазына болып сақталатыны сөзсіз.