ҚҰТТЫҚТАЙМЫЗ!
«Достық үйінде» 27 ақпан – Дүниежүзілік үкіметтік емес ұйымдар күніне орай «Әділетті Қазақстанның жаңа Конституциялық моделі: қоғамдық бірлестіктер мен жергілікті атқарушы органдардың ынтымақтастығы» тақырыбында облыс әкімінің орынбасары Мейрамбек Шермағанбеттің төрағалығымен салтанатты жиын өтті.
Жиында «Ұлт бірлігі Қармақшы» қоғамдық бірлестігінің төрағасы Шегебай Құндақбаев өңірдің қоғамдық өміріне белсенді үлес қосып жүргені үшін облыстың ең жоғарғы марапаты «Құрмет грамотасымен» марапатталды.
Ауданымыздың қоғамдық өміріне белсенді араласып, ел бірлігі мен татулығын нығайту жолында еңбек етіп жүрген жерлесімізді марапатымен құттықтаймыз!
Қармақшы ауданы әкімінің баспасөз қызметі
