ЭЛЕКТР ЖЕЛІЛЕРІНІҢ ЖАЙ-КҮЙІ ТЕКСЕРІЛДІ

Аудан әкімі Жандос Еркінбек ІІІ Интернационал ауылдық округінде электр желілеріне жүргізіліп жатқан жөндеу жұмыстарымен танысты. Қолайсыз ауа-райының салдарынан аудан аумағында ақаулар орын алып, электр энергиясы уақытша ажыратылған болатын. Қазіргі уақытта аудан әкімінің тікелей бақылауымен арнайы техникалар мен мамандар күшейтілген режимде жұмыс жасап жатыр.

Жандос Еркінбек жауапты сала басшылары мен тиісті мекемелерге электр желілерін күшейту, техникалық қызмет көрсету және қауіпсіздікті қатаң бақылауда ұстау бойынша бірқатар тапсырмаларын берді.

Қармақшы ауданы әкімінің баспасөз қызметі