qarmaqshy-tany.kz Бүгін аудан әкімінің орынбасары Біржан Далабайұлы аудан басшысы Жандос Еркінбектің тапсырмасына сәйкес ауа райының күрт өзгеруіне орай тиісті мекеме басшыларымен жедел отырыс өткізді.
Жауған жаңбырдан көктайғақ (гололед) пайда болуына байланысты республикалық маңызы бар «Батыс Еуропа – Батыс Қытай» автодәлізініде барлық көліктердің қозғалуына шектеу қойылды.
Аудан әкімінің орынбасары тиісті сала басшыларына жол-көлік оқиғаларының алдын алу, аудан аумағындағы электр желілерінде анықталған ақаулықтарды дер кезіде қалпына келтіру және басқа да төтенше оқиғаларының алдын-алу бағытында тиісті шаралар қабылдау бойынша нақты тапсырмалар берді.
Осы ретте, аудан тұрғындарынан ауа райының қолайсыз болуына және электр желілерінің тозығы жетуіне байланысты коммуналдық қызметтерден ағытулар орын алған жағдайларға түсіністікпен қарауларыңызды сұраймыз.
Қазіргі таңда, арнайы топпен ақауларды қысқа мерзім ішінде қалпына келтіру бойынша тиісті жұмыстар жүргізілуде.