«ҮЗДІК ТАРИХ ПӘНІНІҢ МҰҒАЛІМІ-2026» БАЙҚАУЫ ӨТКІЗІЛДІ
Аудандық білім бөлімі мен аудандық кәсіподақ комитеті бірлесе отырып 2026 жылдың 18-19 ақпан күндері тарих пәні мұғалімдері арасында «Үздік тарих пәнінің мұғалімі-2026» байқауы өткізілді. Байқаудың негізгі мақсаты – педагогтердің кәсіби шеберлігін арттыру, озық тәжірибені насихаттау және шығармашылық ізденісті қолдау.
Байқаудың ережесіне сәйкес l-ші іріктеу кезеңінен өткен мұғалімдер аталған байқаудың ll-lll кезеңдеріне қатысып, өз шеберліктерімен шығармашылық әлеуетін көрсетті.
Сайыс барысында қатысушылар ашық сабақтар өткізіп, 5 жылдық білім беру тәжірибесіндегі әдістемелік жұмыстарын, жеткен жетістіктерін таныстыра отырып, өз тәжірибелерімен бөлісті. Әділқазылар алқасы мұғалімдердің білім деңгейін, жаңашыл әдістерді қолдануын және оқушылармен жұмыс жүргізу шеберлігін жоғары бағалады.
Байқау қорытындысы бойынша үздік нәтиже көрсеткен ұстаздарға арнайы дипломдар мен аудандық кәсіподақ ұйымының бағалы сыйлықтарымен марапатталды.
Мұндай шаралар білім сапасын арттыруға және педагогтердің кәсіби дамуына үлкен үлес қосады.
