Рамазан - 2026: “ОРАЗА: ДЕНСАУЛЫҚ, РУХАНИЯТ ЖӘНЕ АДАЛ АС ҚАҒИДАЛАРЫ”

ҚМДБ-ның Қызылорда облысы бойынша өкілдігі, “Әйел-қыздар” секторының ұйытқы болуымен “Ораза: денсаулық, руханият және адал ас қағидалары” тақырыбында семинар өтті.

Әйел жамағатына арналған семинарға әйелдер секторының облыстағы меңгерушісі Лаззат Ахметқызы, ҚМДБ жанындағы Халал Даму мекемесінің Қызылорда облысы бойынша өкілі Перизат Жандылдақызы және интегративті дәрігер-терапевт, нутрициолог Жанна Жаңабергенқызы қатысты.

Мамандар оразаның рухани пайдасы, адал ас тұтынудың хикметі мен дұрыс тамақтанбаудың зияндары жайлы түсіндіріп, түрлі аурулардың алдын алу жолдарын ұсынды.

Қасиетті Рамазан айының құрметіне орай ұйымдастырылған шара соңында қыз-келіншектердің сауалдарына жауап берілді.

ҚМДБ-ның Қызылорда облысы бойынша өкілдігінің баспасөз қызметі