ДӘРІ-ДӘРМЕК ҚОРЫНА МОНИТОРИНГ ЖҮРГІЗІЛДІ
«AMANAT» партиясы Қармақшы аудандық филиалы жанындағы Партиялық бақылау комиссиясының мүшелері Қармақшы аудандық ауруханасына қарасты «Шипагер» дәрігерлік амбулаториясында болып, дәрі-дәрмек қорының жағдайына мониторинг жүргізді.
Мониторинг барысында амбулаториядағы дәрі-дәрмектердің жеткіліктілігі, олардың сақтау талаптарының сақталуы, жарамдылық мерзімдері, сондай-ақ тұрғындарға көрсетілетін медициналық қызметтің сапасы жан-жақты зерделенді. Комиссия мүшелері медицина қызметкерлерімен пікір алмасып, күнделікті жұмыс барысында кездесетін өзекті мәселелерді талқылады. Комиссия мүшелері анықталған жайттар бойынша тиісті ұсыныстарын білдіріп, бақылау жұмыстары алдағы уақытта да жалғасатынын атап өтті.
Партиялық бақылаудың басты мақсаты – халыққа көрсетілетін медициналық қызметтің сапасын арттыру және тұрғындардың қажетті дәрі-дәрмекпен уақтылы қамтамасыз етілуін қадағалау.
