ТҰРҒЫН ҮЙ КЕЗЕГІНДЕГІ АЗАМАТТАРДЫ ҚОЛДАУ БАҒЫТЫНДА БІРҚАТАР ЖҰМЫС АТҚАРЫЛУДА
2025 жылы әлеуметтік осал топтарды және тұрғын үй кезегіндегі азаматтарды қолдау мақсатында бірқатар маңызды шаралар жүзеге асырылды. Атап айтқанда, 2 пәтерлі 30 тұрғын үй сатып алу үшін бюджеттен 990,2 млн теңге қаралып, құрылыс жұмыстары толық аяқталды.
Байқоңыр қаласында 50 пәтерлік 5 тұрғын үйдің құрылысына 5,3 млрд теңге бөлініп, ғимараттар пайдалануға берілді. Сонымен қатар, «Байқоңыр қаласындағы сумен жабдықтау және су бұру жүйелерін реконструкциялау» жобасы бойынша жаңғырту жұмыстары арнаулы мемлекеттік қор есебінен 9,193 млрд теңгеге жүргізілуде. Жобаның жалпы құны 12,6 млрд теңге, ал 2024 жылы республикалық бюджеттен 768,7 млн теңге игерілген.
