ҚАРМАҚШЫ АУДАНЫНДА ЖОЛ-КӨЛІК ОҚИҒАСЫНА БАЙЛАНЫСТЫ ШЕТЕЛ АЗАМАТТАРЫНА КӨМЕК КӨРСЕТІЛДІ
Ауа-райының өзгеруі мен ауа температурасының төмендеуіне байланысты Қармақшы ауданының аумағындағы «Қаз-06 Қарабұтақ–Қызылорда–Шымкент» автожолының Ақжар ауылы тұсында жол-көлік оқиғасы орын алған болатын.
Бұл бағытта Қырғызстан Республикасынан Ресей Федерациясына жолаушылар тасымалдап келе жатқан автобус жол апатына ұшыраған. Автобуста болған 47 азамат шұғыл түрде аудан орталығы Жосалы кентіне жеткізілді.
Аудан әкімі Жандос Еркінбектің тікелей тапсырмасына сәйкес, аудан әкімдігі тарапынан жолаушыларға тегін жатын орын мен ыстық тамақ ұйымдастырылып, барлық қажетті көмек көрсетілді. Қазіргі таңда жолаушылардың жағдайы қалыпты.
Көрсетілген қолдау мен қамқорлық үшін жолаушылар аудан әкімдігіне ризашылықтарын білдіріп, алғыстарын айтты.
Қармақшы ауданы әкімінің баспасөз қызметі
