«АУЫЛ МЕКТЕБІ: ТЕҢ МҮМКІНДІК» ЖОБАСЫ АЯСЫНДА ПЕДАГОГТЕРГЕ АРНАЛҒАН МАСТЕР- КЛАСС ӨТКІЗІЛДІ
«Ауыл мектебі: тең мүмкіндік» жобасын Қызылорда облысының 58 білім беру ұйымында іске асыру аясында ү.ж. 26-27 қаңтар аралығында физика, химия және биология пәндері педагогтеріне арналған мастер-класстар өткізілуі жоспарланған.
Аталмыш жоба аясындағы жұмыс Қармақшы ауданы бойынша 27 қаңтар күні химия пәні бойынша Ш.Уалиханов атындағы №26 орта мектебінде Сырдария,Жалағаш ауданы педагогтарының қатысуымен мастер-класс өткізілді.
Мастер-класс барысында заманауи оқыту әдістері, зертханалық жұмыстарды тиімді ұйымдастыру жолдары, тәжірибелік сабақтарды қызықты өткізу тәсілдері көрсетілді. Сонымен қатар, цифрлық ресурстарды пайдалану, оқушылардың зерттеушілік қабілетін дамыту мәселелері талқыланды.
Қатысушылар өзара тәжірибе алмасып, ашық пікір алмасу алаңында кәсіби сұрақтарына жауап алды. Іс-шара соңында ұстаздар мұндай кездесулердің білім сапасын арттырудағы маңызын атап өтті.
