«AMANAT»: Ақжардағы тұрғындармен ашық кездесу

«AMANAT» партиясы Қармақшы аудандық филиалының ұйымдастыруымен Ақжар ауылында қоғамдық мобильді қабылдау өтті. Кездесу барысында ауыл тұрғындары өздерін толғандырған әлеуметтік мәселелерді ашық айтып, нақты ұсыныстарын жеткізді.

Қабылдау кезінде жұмыспен қамту, әлеуметтік қолдау, инфрақұрылым, жол, ауыз су және өзге де маңызды бағыттар бойынша сұрақтар көтерілді. Тұрғындардың әрбір өтініші назарға алынып, кейбір мәселелер бойынша сол жерде түсіндірмелер берілді. Ал қосымша зерделеуді қажет ететін мәселелер бақылауға алынды.

Халықпен тікелей байланыс орнату, ауыл тұрғындарының үнін есту – «AMANAT» партиясының басты міндеттерінің бірі. Осындай мобильді қабылдаулар тұрғындардың түйткілді мәселелерін дер кезінде анықтауға және жүйелі түрде шешуге мүмкіндік береді.

«AMANAT» партиясы алдағы уақытта да халықпен ашық диалогты нығайтып, ел игілігі үшін жұмысын жалғастыра береді.