ПАРТИЯЛЫҚ ЖОБА АЯСЫНДА ОТБАСЫЛЫҚ САЙЫС ӨТТІ
Бүгін "AMANAT" партиясы Байқоңыр филиалының "Бәйтерек" бастауыш партия ұйымының ұйымдастыруымен "Бақытты отбасы" партиялық жобасы аясында "Сазды шаңырақ" атты отбасылық сайыс өтті.
Байқаудың басты мақсаты – отбасы құндылықтарын дәріптеу, ата-ана мен бала арасындағы өзара сыйластықты арттыру, ұлттық дәстүрді жаңғыртып, жас ұрпақтың бойына мейірім мен парасат дәнін себу болды.
Сайыс 3 кезеңнен тұрды:
1-кезең: "Таныстыру" – отбасы мүшелерінің шығармашылық бейнесін ашып көрсету.
2-кезең: "Білгіштер сайысы" – ой-өрісті дамытуға бағытталған сұрақ-жауап кезеңі.
3-кезең: "Отбасылық өнер" – өнер арқылы талант пен шығармашылықты паш ету.
Қатысушылардың барлығы ерекше дайындықпен келіп, көрерменге көңілді сәттер сыйлады.
Бұл тағылымды сайыс – отбасы құндылықтарын дәріптеп қана қоймай, жас ұрпақтың бойына отансүйгіштік, сыйластық және бірлік сияқты ізгі қасиеттерді сіңірген, көпшілікке өнеге болған рухани шара ретінде есте қалды.
