Бақытты отбасы – мемлекет тірегі
«Бақытты отбасы» партиялық жобасы аясында «Бақытты отбасы – берік мемлекеттің негізі» тақырыбында «Жастар» бастауыш партия ұйымының ұйымдастыруымен партия мүшелерінің арасында тренинг өткізілді. Оның басты мақсаты – әр отбасында мейірімді қарым-қатынас орнатып, ата-ана мен бала, ерлі-зайыптылар арасындағы түсіністікті қалыптастыру.
Тренингке Байқоңыр қалалық қоғамдық келісім, «Отбасы қолдау орталығының» психолог маманы А.Оспанов, «AMANAT» партиясы Байқоңыр филиалының мүшесі Қ.Сыражанова және партия мүшелері қатысты.
Іс-шара барысында Қанымша Алтынбайқызы жанұя берекесі мен құндылықтарын сақтай білу, өмірдегі түрлі отбасылық мәселелердің шешімін табу, бала тәрбиесі туралы жастарға, жас отбасыларға бағыт-бағдар берді. Сонымен қатар жанұялық өмірде кездесетін қиындықтарды бірлесе жеңу керектігін атап өтіп, отбасындағы татулық, сыйластықты сақтау жөнінде кеңестерін айтып, тұшымды ой-пікірлерімен бөлісті.
«ҚТ» ақпарат
