МЕКТЕПКЕ ДЕЙІНГІ БІЛІМ БЕРУ – САПАЛЫ БОЛАШАҚТЫҢ КЕПІЛІ
Мектепке дейінгі білім беру саласында басты басымдық – білім мен тәрбиенің сапасы. Ал сапалы білім беру – білікті педагог, заманауи әдіс-тәсілдер және қауіпсіз, қолайлы орта арқылы жүзеге асады. Осы орайда бүгін білім бөлімі басшысы Жәнібеков Берік Съездұлының төрағалығымен мектепке дейінгі білім ұйымдарының басшыларымен мәжіліс өткізілді.
Мәжіліс барысында мектепке дейінгі ұйымдар педагогтарының сандық, сапалық құрамы, біліктілік санаттары, педагог санының штат бірлігімен сәйкестігі, 2-6 жас аралығындағы балалардың балабақшамен қамтылуына талдау жүргізілді.
Сонымен қатар, ақпараттық жүйелердегі жұмыстардың жүргізілуі, оқу-әдістемелік жұмыстар барысындағы жетістіктер мен кемшіліктерге тоқталды. Білім ұйымдарының басшыларына сыбайлас жемқорлықты болдырмау, мемлекеттік қызметтерді уақытылы орындау бойынша нақты тапсырмалар берілді.
