Мектепке дейінгі білім беру – басты назарда

Білім бөлімінің басшысы Жәнібеков Берік Съездұлының төрағалығымен мемлекеттік және жеке меншіктегі мектепке дейінгі ұйым басшыларымен мәжіліс өткізілді.
Білім бөлімі басшысы бүгінгі күнгі мектепке дейінгі білім беру ұйымдары бойынша өзекті мәселерге тоқталды. Барлық білім ұйымдарының санитарлық талапқа сай болуы, бала өмірі мен қауіпсіздігін сақтау, оның ішінде балалардың тамақтануы, денсаулық жағдайын күнделікті бақылауға алу қатаң тапсырылды.

Сонымен қатар, меншік нысанына қарамастан барлық ұйымда оқу-тәрбие жұмыстары жүйелі жүргізілуін басты назарға қойды. Мәжіліс соңында ұйым басшыларымен пікірлесе отырып, мектепке дейінгі тәрбие мен білім беруді жетілдіруге бірлесе жұмыс атқаруға шақырды.