ТӨРЕТАМ КЕНТІ ЖӘНЕ АҚАЙ АУЫЛДЫҚ ОКРУГІНІҢ СПОРТ КЕШЕНДЕРІНІҢ ЖҰМЫСЫМЕН ТАНЫСТЫ

Қармақшы аудандық дене тәрбиесі, спорт және туризм бөлімінің басшысы Ғалым Серікұлы Ержанов Ақай ауылдық балалар-жасөспірімдер дене тәрбиесі даярлығы клубының қызметкерлерімен кездесіп, мекеменің жұмысымен танысты.

Кездесу барысында ұжымға 2026 жылға сәттілік, табыс тілей отырып, жаңа жылда алға қойған мақсаттар мен жоспарлар толық жүзеге асып, нәтижелі жұмыстар атқару қажет екендігін жеткізді

Сондай-ақ, клубқа қарасты кешеннің жылу жүйесі қаралды және сыртқы, ішкі тазалық жұмыстарын күнделікті жүргізіп отыру тапсырылды, одан кейін Төретам кентіндегі денешынықтыру-сауықтыру кешенінің жұмыс барысы және жылу беру жүйесімен танысты.

Мұндай кездесулер саладағы өзекті мәселелерді анықтап, алдағы жұмыстарды жүйелеуге мүмкіндік береді.