АУДАНДЫҚ ПӘНДІК ОЛИМПИАДАДАҒЫ МАҢЫЗДЫ ЖЕТІСТІК
Жалпы білім беретін пәндер бойынша 9–11 сынып оқушыларына арналған республикалық пәндік олимпиаданың аудандық кезеңінде жоғары нәтиже көрсеткен Қармақшы ауданы Т.Көмекбаев атындағы №250 мектеп-лицейінің оқушылары арнайы марапатталды. Жеңімпаздарды аудандық білім бөлімінің басшысы Жәнібеков Берік Съездұлы қабылдап, олардың табандылығы мен ізденісіне жоғары баға берді.
Салтанатты шара барысында білім бөлімінің басшысы үздіктерді құттықтап, білім сайысында дараланған жас жеткіншектерге арнайы дипломдар табыстады.
Бұл жетістік – оқушылардың үздіксіз еңбегінің, ұстаздардың кәсіби біліктілігінің және ата-аналардың жан-жақты қолдауының нақты көрінісі.
