Ауыл мектептерінің оқушыларына арналған жалпы білім беретін пәндер бойынша Республикалық олимпиаданың үшінші кезеңі басталды
Бүгін ауыл мектептерінің оқушыларына арналған жалпы білім бертін пәндер бойынша Республикалық олимпиданың ІІІ кезеңі өтуде.
Олимпиаданың мақсаты — ауылдық жерлердегі мектеп оқушыларының дарыны мен қабілеттерін анықтау және оларға қолдау білдіру, неғұрлым академиялық қабілетті оқушыларды табу, олардың зияткерлік дамуы мен кәсіби бағдарлануына жағдай жасау.
Осы ретте аудандық білім бөлімінің басшысы Берік Съездұлы ауыл олимпиадасының ашылу кезеңіне арнайы қатысып, білім додасына қатысушы оқушыларға сәттілік тіледі. Сонымен қатар бөлім басшысы ұйымдастырушылар мен арнайы бекітілген кезекші мұғалімдерге олимпиада кезінде академиялық адалдық алаңын қатаң сақтауды тапсырды.
Олимпиаданың іріктеу кезеңіне олимпиаданың екінші кезеңінен өткен 130 оқушы қатысуда.
Білім додасына қатысушы оқушыларымызға сәттілік тілейміз!
