Пәндік олимпиада озаттары марапатталды

ЖАЛПЫ БІЛІМ БЕРЕТІН ПӘНДЕР БОЙЫНША РЕСПУБЛИКАЛЫҚ ОЛИМПИАДАНЫҢ ОБЛЫСТЫҚ КЕЗЕҢІ МӘРЕСІНЕ ЖЕТТІ. АУДАН НАМЫСЫН ҚОРҒАҒАН ОҚУШЫЛАРДЫҢ ЕҢБЕГІ АҚТАЛЫП, ҮЗДІКТЕР ҚАТАРЫНАН КӨРІНІП, КЕЙБІРІ РЕСПУБЛИКАҒА ЖОЛДАМА АЛДЫ.Олимпиада жеңімпаздарын марапаттау рәсімі Ү.Томанов атындағы №183 орта мектепте өтті. Салтанатты шараға аудандық білім бөлімінің басшысы Гүлзира Мәжитқызы қатысып, озат оқушыларды құттықтады.
– Олимпиаданың облыстық кезеңіне ауданымыздан 44 оқушы жолдама алып, өзара бақ сынаған болатын. Нәтижесінде 27 оқушы жүлделі орындарға ие болып, республикалық кезеңге 4 оқушы жолдама алып отыр. Алда өтетін осы сайысқа сәттілік тілеймін. Сондайақ, облыстың қала мен аудандар рейтингісінің нәтижесі бойынша аудандық білім бөліміне қарасты №277 мектеп-лицейі «Ең үздік қала мектебі – 2023» номинациясына ие болды. Бұл біз үшін үлкен жеңіс, – деді аудандық білім бөлімінің басшысы.