Олимпиада жеңімпаздары марапатталды
qarmaqshy-tany.kz Жалпы білім беретін пәндер бойынша республикалық олимпиаданың облыстық кезеңі қорытындысымен жеңімпаздар мен жүлдегерлері марапатталды.
Салтанатты шараға арнайы аудандық білім бөлімі басшысы Гүлзира Мажитқызы қатысып, үздіктерді марапаттады.
Республикалық олимпиаданың облыстық кезеңіне ауданымыздан жолдама алған 44 оқушы қатысып, өзара бақ сынаған болатын.
Нәтижесінде 27 оқушы жүлделі орындарға ие болып, республикалық кезеңге 4 оқушы жолдама алды.
Сондай-ақ, облыстың қала мен аудандары рейтингінің нәтижелері бойынша Қармақшы ауданы бойынша білім бөліміне қарасты №277 мектеп-лицейі «Ең үздік қала мектебі-2023» номинациясына ие болды.
Барлық жеңімпаздар мен жүлдегерлерді және олардың ұстаздары мен ата-аналарын шын жүректен құттықтаймыз! Алда өтетін республикалық олимпиадада да биіктен көрінейік.
