СЕМИНАР ПРАКТИКУМ: ҰББДҚ ПЛАТФОРМАНЫ ПАЙДАЛАНУ ЖӘНЕ ЖАҢАРТУ
«Дарын» ғылыми-зерттеу орталығының әдіскері Ахметова Әсел Болатқызымен ауданның білім беру мекемелеріндегі директордың оқу ісі жөніндегі орынбасарлары, информатика пәні мұғалімі, бағдарламашы, IT мамандармен «ҰББДҚ платформаны пайдалану және жаңарту бойынша» тақырыбында Жосалы кенті №26 және Төретам кенті №269 орта мектеп базаларында әдістемелік көмек жұмыстары бойынша семинар-практикум ұйымдастырылды.
Семинар пракикум жұмысына аудандық білім бөлімінің басшысы Жәнібеков Берік Съездұлы қатысып, ҰББДҚ – білім беру жүйесіне арналған бірыңғай цифрлық деректер базасында бүгінде білім беру ұйымдарының, педагогтердің, оқушылардың, статистикалық мәліметтердің толық ресми деректері сақталғанын және өзгерістермен жаңартулар жұмыстары дер кезінде жүргізіліп отыратындығын жеткізіп, сала мамандары жұмыстарына сәттілік тіледі.
Семинар соңында білім беру ұйымдары бойынша IT саласы мамандарына арнайы Алғыс хаттар табысталды.
