МАЛ ШАРУАШЫЛЫҒЫН ДАМЫТУ БОЙЫНША ЗЕРДЕЛЕУ ЖҰМЫСТАРЫ ЖҮРГІЗІЛДІ

"AMANAT" партиясы Қармақшы аудандық филиалының Атқарушы хатшысы Ғ.Ақжігітов партиялық бақылау комиссиясы мүшелерімен бірге партияның Сайлауалды бағдарламасының Жол картасы аясында мемлекет тарапынан мал басын көбейтуге және оны асылдандыру мен өнімін ұлғайту бағытында зерделеу жұмыстарын жүргізді. Зерделеу барысында "Ауыл аманаты" бағдарламасы аясында несие алып, кәсіп ашқан Ақжар ауылының тұрғыны Б.Бедебаев пен Ақтөбе ауылының тұрғыны Н.Алтынбаевтың жұмыстарымен танысты.

Шаруашылық өкілдері мал басын көбейту, тұқымдық сапаны жақсарту және өнім көлемін арттыру бағытындағы "Ауыл аманаты" жобасының маңызы жөнінде баяндап берді.

Зерделеу кезінде қожалық өкілдерінің ұсыныстары тыңдалып, саладағы өзекті мәселелер мен оларды шешу жолдары бойынша пікір алмасты.