"ДІН МЕН ДӘСТҮР"
Қармақшы аудандық «Қармақшы ата» мешітінде жамағат арасында ұлттық дәстүрді дәріптеу мақсатында дәстүрлі ойындар ұйымдастырылды. Шара басталмас бұрын аудан бас имамы Нұрболат Ғабитұлы қатысушыларға уағыз-насихат айтып, ізгі тілектерін жеткізіп, спорттық ережелерді түсіндіріп, сайыс тәртібін нақтылап өтті. Шара барысында садақ ату, гір тасын көтеру және арқан тарту сияқты ұлттық ойындардан жарыстар өткізілді.
Жарыс қызу әрі тартысты өтті. Қатысушылар өз күшін, ептілігі мен жігерін көрсетіп, қызықты ойын өрнегін ұсынды. Нәтижесінде 1, 2 және 3-орын иеленген командаларға қаржылай сый-сияпаттар табысталды. Сонымен қатар барлық қатысушыларға белсенділік танытқандары үшін алғыс хаттар берілді.
Бұл шара мешіт жамағатының бірлігін арттырып, ұлттық салт-дәстүр мен спорттық рухты насихаттауға өз үлесін қосты.
Қармақшы аудандық "Қармақшы ата" мешітінің баспасөз қызметі
