ҚОРШАҒАН ОРТАНЫ ҚОРҒАУ – ТҰРАҚТЫ КҮН ТӘРТІБІНДЕ

Қармақшы ауданында «Таза Қазақстан» экологиялық акциясы аясында аудан аумағын тазарту және абаттандыру бағытындағы тазалық жұмысы қарқынды жалғасып келеді.

Аудан әкімінің тапсырмасына сәйкес, тазалық пен тәртіпті сақтау, абаттандыру және көгалдандыру шаралары аудан бойынша жүйелі түрде ұйымдастырылуда. Сондай-ақ қоғамдық жұмысшылар қоғамдық орындардың тазалығын қамтамасыз етуге белсенді атсалысты.

Жүргізілген жұмыс барысында орталық көшелер мен алаңдарда ретсіз өскен шөптер жұлынып, әктеу, сырлау жұмыстары жасалды. Сонымен қатар тасталған қоқыстар тазаланып, арнайы техника арқылы белгіленген орындарға шығарылды.

Тазалық шаралары тек аудан орталығында ғана емес, барлық елді мекендерде де бір уақытта өткізіліп, аталған шара аясында ауқымды жұмыс жүзеге асырылуда.

Қармақшы ауданы әкімінің баспасөз қызметі