"ӘКЕЛЕР МЕН БАЛАЛАР: ДӘСТҮР МЕН БОЛАШАҚ" СЕМИНАР ТРЕНИНГ
Білім бөлімінің жоспарына сәйкес Т.Көмекбаев атындағы №250 мектеп-лицейінде "Әкелер мен балалар: дәстүр мен болашақ" тақырыбында семинар-тренинг ұйымдастырылды.
Шараның басты мақсаты: әке мен бала арасындағы сыйластықты, түсіністікті, бірлік пен өнегелі қарым-қатынасты қалыптастыру, отбасындағы әкенің беделі мен тәрбиелік рөлін арттыру, құқықбұзушылықтың алдын алу. Шара барысында қонақтар мектептегі ер балалармен атқарылған жұмыстар, қолөнер көрмесі, мектеп парламентінің жұмыстарымен танысты.
Сонымен қатар, әкелер мен балалардың қатысуымен тренинг өтті. Тренинг барысында бала мен әкелерге өмірлік тәжірибеден алынған ситуациялық сұрақтар қойылды, тапсырмалар берілді.
Шара соңында білім бөлімінің басшысы Б.Жәнібеков, мәслихат төрағасы Ә.Қошалақов, аудан проукорының орынбасары З.Гичиев сөз сөйлеп қатысушы ата-аналар мен қонақтарға алғысын білдіріп, мектеп ұжымына, шәкірттерге толағай табыстар тіледі.
