«Заң мен Тәртіп»: Қызылордада қоғамдық қабылдау өткізілді
Қызылорда облысы бойынша «Заң мен Тәртіп» идеологиясын насихаттау аясында өңірде бірқатар шаралар жүзеге асуда.
Солардың бірі – Қызылорда облысы қоғамдық даму басқармасының «Қоғамда құқықтық мәдениетті арттыруға, «мүлдем төзбеушілік» қағидатын қалыптастыруға және сыбайлас жемқорлықтың алдын алуға бағытталған іс-шараларды ұйымдастыру» әлеуметтік жобасы аясында «Қармақшы Жастары» жастар қоғамдық бірлестігінің ұйымдастыруымен заңгер, Астана қаласының заң консультанттар палатасының мүшесі Тілеубай Ерлан Еркінұлының қатысуымен «Жібек Жолы» сауда орталығында қоғамдық қабылдау өткізілді.
Шараның негізгі мақсаты – халықтың құқықтық сауаттылығын арттыру, азаматтарға тегін заңгерлік көмек көрсету, олардың өз құқықтары мен заң алдындағы мүмкіндіктерін білуіне жағдай жасау.
Мұндай игі бастамалар қоғамдағы заң үстемдігін нығайтуға, азаматтардың билікке деген сенімін арттыруға зор үлес қосады.
