Қоғамдық қабылдау жалғасуда

Қазақстан Республикасы Конституциясының 30 жылдығына орай Қызылорда облысының прокуроры Р.Ожаровтың бастамасымен бекітілген «Заң мен тәртіп» идеологиясын ілгерілету жөніндегі іс-шаралар жоспарына сәйкес бүгін Қуаңдария, Көмекбаев ауылдық округтерінде аудан прокурорының және әртүрлі мекеме басшыларының қатысуымен қоғамдық қабылдау өткізілді.

Қоғамдық қабылдау азаматтардың құқықтық сауаттылығын арттыру, өтініш-шағымдарын жедел қарау, қоғамдық қауіпсіздік, құқық бұзушылықтың алдын алу, отбасы-тұрмыстық зорлық-зомбылыққа тосқауыл қою, жер, әлеуметтік төлемдер, жұмыспен қамту, денсаулық сақтау және білім беру салаларына қатысты өзекті сауалдарды кешенді түрде шешу мақсатында ұйымдастырылды.