ӨҢІРЛІК КАДР РЕЗЕРВШІСІ КОНКУРСТЫҚ ІРІКТЕУСІЗ ЛАУАЗЫМҒА ТАҒАЙЫНДАЛДЫ

«Қазақстан Республикасының мемлекеттік қызметі туралы» Қазақстан Республикасының Заңының 15-бабы 3-2 – тармағына сәйкес, Облыстық кадрлық резервіне алынған адамдар жергілікті атқарушы органдардың «Б» корпусының мемлекеттік әкімшілік лауазымдарына уәкілетті органның аумақтық бөлімшесімен келісу бойынша конкурс өткізілместен орналаса алады.

Осыған сәйкес, Өңірлік кадр резервінің іріктеу нәтижесімен Қызылорда облысы бойынша Өңірлік кадр резервіне алынған Каракеева Рауабану Жетесқызы Қазақстан Республикасы Мемлекеттік қызмет істері агенттігінің Қызылорда облысы бойынша департаментінің келісімімен Қармақшы ауданы Жосалы кенті әкімі аппаратының жер қатынастарын және коммуналдық шаруашылықты реттеу бөлімінің басшысы лауазымына конкурстық іріктеусіз тағайындалды.