ӨҢІРЛІК КАДР РЕЗЕРВШІСІ КОНКУРСТЫҚ ІРІКТЕУСІЗ БАСШЫЛЫҚ ЛАУАЗЫМҒА ТАҒАЙЫНДАЛДЫ

«Қазақстан Республикасының мемлекеттік қызметі туралы» Қазақстан Республикасының 2015 жылғы 23 қарашадағы Заңының 15-бабының 3-2-тармағына сәйкес, Облыстың кадрлық резервіне алынған адамдар жергілікті атқарушы органдардың "Б" корпусының мемлекеттік әкімшілік лауазымдарына уәкілетті органның аумақтық бөлімшесімен келісу бойынша конкурс өткізілместен орналаса алады.

Осыған сәйкес, 2024 жылдың 1 наурызынан бастау алған Өңірлік кадр резервіне іріктеудің нәтижесімен Қызылорда облысы бойынша Өңірлік кадр резервіне алынған Жолмаханов Нұрсұлтан Сабытбекұлы Қазақстан Республикасының Мемлекеттік қызмет істері агенттігінің Қызылорда облысы бойынша департаментінің келісімімен 2025 жылғы 15-мамырдан бастап Қармақшы ауданы, Төретам кенті әкімінің орынбасары лауазымына конкурстық іріктеусіз тағайындалды.