Заң және тәртіп – жарқын болашақ кепілі

Иіркөл, Төребай би және Қармақшы ауылдық округтерінде ауыл әкімдері, жастар ресурстық орталығының директоры және мектеп директорларының қатысуымен оқушыларға құқықтық тәрбиеге арналған кездесу өткізілді.

Шара барысында жастарға құқық бұзушылықтың алдын алу, заңға бағыну мәдениеті мен қоғам алдындағы жауапкершілік туралы түсіндірілді.

Сонымен қатар оқушыларға:

– есірткінің денсаулық пен өмірге зияны,

– зорлық-зомбылықтың құқықтық және моральдық тұрғыдан қауіптілігі,

– құмар ойынға тәуелділіктің (лудомания) алдын алу,

– сыбайлас жемқорлықтың қоғам дамуына тигізер кері әсерлері туралы жан-жақты ақпарат берілді.

Осындай кездесулер өскелең ұрпақтың бойында адалдық, әділдік, тәртіпке бағыну және салауатты өмір салтын ұстану сияқты құндылықтарды қалыптастыруға ықпал етеді.