ГАЗ ҚҰБЫРЫНЫҢ ҚҰРЫЛЫСЫ ЖҰМЫСТАРЫНА МОНИТОРИНГ ЖҮРГІЗІЛДІ
«AMANAT» партиясы Қармақшы аудандық филиалының Атқарушы хатшысы Ғ.Ақжігітов, Қызылорда облыстық мәслихатының депутаты, депутаттық фракция мүшесі О.Төлепов, Қармақшы аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінің басшысы Б.Жылтыров, Жаңажол ауылдық округінің әкімі Ә.Қоқанов және құрылысқа жауапты мамандар Дүр Оңғар ауылында жүргізіліп жатқан газ тарту жұмыстарының барысымен танысты.
Мониторинг барысында нысандағы атқарылып жатқан жұмыстардың сапасы мен мерзімдік кестесі назарға алынды. Тұрғындарды табиғи газбен қамту – ауылдың әлеуметтік-экономикалық дамуы мен тұрғындардың тұрмыс сапасын арттырудағы маңызды қадам болып табылады.
