Жаңа қызметке тағайындалды

2025 жылдың 1 қазанынан бастап, Қармақшы аудандық білім бөлімінің басшысы қызметіне Жәнібеков Берік Съездұлы тағайындалды.

Берік Съездұлы 1980 жылы дүниеге келген.

Алғаш еңбек жолын 2001 жылы Жалағаш ауданында №123 орта мектепте география пәнінің мұғалімі болып бастаған.

Одан кейінгі жылдары Жалағаш аудандық білім бөлімінде әдіскер, бас маман, сектор меңгерушісі, Қызылорда облысының білім басқармасында бөлім басшысы, Сырдария ауданы бойынша білім бөлімінің басшысы болып қызмет атқарған.

2024 жылдан бүгінгі күнге дейін Жалағаш ауданы әкімінің аппаратында ұйымдастыру – бақылау бөлімінің басшысы қызметін абыроймен атқарып келген.