ҚҰҚЫҚ БҰЗУШЫЛЫҚТЫҢ АЛДЫН АЛУ - ОРТАҚ МІНДЕТ
Қармақшы ауданы әкімдігі мен Байқоңыр қаласы Өкілдігінің ұйымдастыруымен Байқоңыр қаласы №277 мектеп-лицейінде қала мектептерінің білім алушыларының қатысуымен ауқымды профилактикалық іс-шара өтті.
Іс-шараға Қармақшы ауданы әкімінің орынбасары Смағұлов Самат Қыдырбекұлы, Қармақшы ауданы бойынша білім бөлімінің басшысы Жанибеков Берік Съездұлы, Байқоңыр қаласы прокурорының орынбасары Жаппасбаев Арман Серікұлы, Байқоңыр қаласы полиция басқармасы қоғамдық тәртіпті қорғау бөлімінің орынбасары Шкрум Илья Владимирович, полиция подполковнигі Әлиев Сейілбек Тыныштықбайұлы қатысып, жасөспірімдер арасындағы құқықбұзушылық мәселелеріне тоқталды.
Кездесу барысында қатысушылар тарапынан жасөспірімдердің құқықтары мен міндеттері, құқықбұзушылық жасаған жағдайда қолданылатын жаза түрлері және жасөспірімнің болашағына кері әсер беретін қоғамға жат ағымдардан аулақ болу мәселелері жан-жақты түсіндірілді.
