Аудан әкімі Ата Заң мерейтойына арналған төсбелгімен марапатталды

Бүгін аймақ басшысы Нұрлыбек Нәлібаев Қармақшы ауданының әкімі Жандос Еркінбекке Қазақстан Республикасының Президенті Жарлығымен берілген «Қазақстан Республикасының Конституциясына 30 жыл» мерекелік медалін табыс етті.

Бұл марапат аудан әкіміне еліміздің Ата Заңының 30 жылдық мерейтойы қарсаңында өңірдің әлеуметтік-экономикалық дамуына қосқан сүбелі үлесі мен қоғамдық тұрақтылықты қамтамасыз ету жолындағы еңбегі үшін беріліп отыр.

Жандос Еркінбек басшылық еткен кезеңде ауданда ірі жобалар жүзеге асырылып, инфрақұрылым жаңғырды, әлеуметтік нысандардың ауқымы кеңейді, халықтың өмір сүру сапасы жақсару бағытында жүйелі жұмыстар жүргізілуде.

Табысталған төсбелгі – абыройлы қызметтің, халықпен етене еңбектің және ауданның өркендеуіне қосылған нақты үлестің айғағы.