№250 мектеп-лицейінің ҰБТ өткізуге дайындығы жайлы

         Қармақшы аудандық білім бөлімінің №250 мектеп-лицейі базасында орналасқан Ұлттық бірыңғай тестілеуді өткізу пункті (ҰБТӨП №779),ҰТО-ның Жосалы кентіндегі филиалында 2017-2018 оқу жылы бойынша 19 мектеп бойынша бітіруші 395 бітірушінің (340 қазақ сыныбы, 55 орыс сыныбы) ағымдағы жылы 268 оқушысыҰБТ-ға қатысады.
         2018 жылы бойынша ҰБТ 20 маусым күні 1 лекте өткізіледі. Мектеп-лицей ғимаратының бір блогында 7 аудитория нақтыланып, қосымша 2 аудиториярезервке алынған. 6 аудитория 40 оқушыға, 1 аудитория 30 оқушыға арналған. 7 аудитория бейнекамералармен және салқындатқыштармен жабдықталған. Аудиторияларды қамтитын 3 дәліз бойынша 3 бейнекамера орнатылған.ҰБТ-ға кіргізу кезінде 1 жиектемелі және 2 қолда ұсталатын металл іздегіштер, ал тестілеу кезінде 8 ұялы байланыс сигналын тұншықтарғыш құралдары қолданылады.
Бейнекамералардың тіркеуіш орталық инженерлік жүйесі 3 қабатта 1 бөлмеде 1 бейнетіркеуішпен орналастырылған және ҰБТ барысын онлайн web-трансляциялау мүмкіндігі қарастырылған. Қазіргі таңда Ivideon Server бағдарламалық жасақтамасы арқылы ҰБТӨП-терде баптау жұмыстары жүргізілуде. ҰБТ барысын интернет нүктесі бар кез-келген жерде бақылауға болады. Ол үшін www.ivideon.com/tv/map сілтемесіне өтіп, картадан Қазақстанды тауып, одан кейін Жосалы елді мекені тұсында ҰБТӨП және ондағы аудиториялар саны көрсетілген белгі арқылы көруге мүмкіндік бар. Аудан бойынша қолданушылар үшін сілтеме беріліп, түсіндіру жұмыстары жүргізілуде.