Үстел теннисінен турнир

«AMANAT» партиясы Қармақшы аудандық филиалы «Жасталап» бастауыш партия ұйымынында «Бақытты отбасы» партиялық жобасы аясында жұмыссыз жастар арасында үстел теннисінен турнир болып өтті.

Турнирге спорт саласын дамытуға өз үлестерін қосатын жастар қауымы қатысып, өз бақтарын сынады. Бұл шара жастардың шығармашылығын қолдауға, салауатты өмір салтын насихаттауға және ұлттық құндылықтарды дәріптеуге бағытталған.

«Жасталап» бастауыш партия ұйымыжастардың басын біріктіріп, бірнеше бағытта жұмыс жасап,партиялық жобаларға атсалысып келеді. Шара барысындааудандық партия филиалының консультанты Г.Жалелова,бастауыш партия ұйымының төрағасы Н.Прназаров қатысып, қазіргі таңда озық ойлы жастардың қоғам өміріне белсене араласуы, білімпаздығы, еңбек етуге және өзін-өзі дамытуға құштарлығы бізді қуантады.

Мемлекетіміз өскелең ұрпаққа тиісті жағдай жасап, білім алу және еңбекпен қамту мүмкіндіктерін кеңейтіп, сондай-ақ жастар кәсіпкерлігін қолдап көптеген мүмкіндіктер беріп отырғанын айтып, шара соңында турнирден орын алған жеңімпаздарды дипломдармен құттықтап жүлделі кубоктарын табыс етті.