Спорт күнінде партия мүшелері арасында волейболдан турнир басталды
Бүгін "AMANAT" партиясы Байқоңыр филиалына қарасты бастауыш партия ұйымдары мүшелерінің арасында волейболдан спорттық жарыс басталды.
Турнирдің ашылу салтанатына "AMANAT" партиясы Байқоңыр филиалының Атқарушы хатшысы Мақсат Есбенбетов, "Янгель" бастауыш партия ұйымының төрағасы, Байқоңыр қаласы бойынша волейбол федерациясының президенті Бақытбек Кеңесов қатысты.
"Бүгінгі спорт күні мерекесімен барлық қатысушыларды құттықтаймын. Спорт күні – денсаулық, күш-жігер, шыдамдылық және сергектіктің мерекесі. Қоғамның әл-ауқатының басты көрсеткіші - адамның денсаулығы десек, оны нығайту мен салауатты өмір салтын қалыптастыруда спорттың алар орны ерекше. Дені сау ұлт қана бәсекеге қабілетті болады", - деді М.Есбенбетов.
"Янгель" бастауыш партия ұйымының төрағасы, Байқоңыр қаласы бойынша волейбол федерациясының президенті
Б.Кеңесов қатысушыларды спорт күні мерекесімен құттықтап, жылы лебізін білдіріп, барлық бастауыш ұйымдардың мүшелеріне сәттілік тіледі.
Турнирдің ашылу салтанатынан кейін алғашқы ойындар басталды.
